देवकीनंदन

अनादि अनंत तोचि आहे

निर्गुण अन निराकार

रंध्रा सत्वात तोचि उरला

शंभर त्याचे गुणाकार

.

त्याची कोटी लाख किरणे

कृपेचे किती प्रकार

त्याच्या स्मरणाने होती

उजळ मनाचे अंधार

.

त्याचे नाव आशा जीवन

तो वीणेचा झंकार

त्याचे खरेच हात हजारो

आपुला फक्त स्वीकार

.

त्याचे कोणी भक्त सखे ते

कोणी कीर्तनकार

आतून प्रगटे मैत्र आगळे

दुर्लभ साक्षात्कार

.

त्याच्या आशा, त्याचीच आशा

त्यालाच हा पुकार

ह्र्दयी घे रे देवकीनंदना,

जपतो कोटि ऒंकार

.

ह्र्दयी घे रे देवकीनंदना,

जपतो कोटि ऒंकार

– योगेश ज जोशी